- Batho ga re meno ga re lekane. - April 29, 2026
- SELEPE ALL STARS SUFFERS DEFEAT TO ALL FOR ONE - April 29, 2026
- Justice, policing mustnever be about clout - April 29, 2026
By: Karabo Makao
Burgersfort Family Violence, Child Protection and Sexual Offences Unit e kgopela setšhaba gore se ba thuše go nyakana le mogononelwa wa mengwaga ye masometharonne. Go holofela gore ge Bonginkosi Kgopotso Mazibuko a ka hwetšwa gotla thuša maphodisa go hwetša tharollo ya dinyakišišo mowe basetsana ba babedi ba mengwaga ye magareng ga lesomepedi le lesomešupa ba ilego ba katwa.
Tiragalo yeo ya go katwa ga bana e diragetše mafelong a mabedi a go fapana seleteng sa Mecklenburg ka ntlenyana ga Burgersfort, kgweding ya Oktobere ngwaga wa 2022 le Nofemere ngwaga wa 2024. Go ya ka bao ba dibonego kgauswi, motšwasehlabelo wa mengwaga ye lesomešupa o be a etšwa sekolong kege sefatanaga sa mohuta wa Polo se ema pele ga gagwe.
Sefatanaga seo sebe se otlelwa ke monna yeo a sa tsebjwego ka nako yeo ya kotsi. Go kwala gore o ile a mo šupa ka sethunya gomme a mo laela lego mo gapeletša gore a tsene ka sefatanageng. Mogononelwa o ile a sepela le motšwasehlabelo sethokgeng tsoko, motseng wa Ga-Mathipa gomme a mogapeletša gore a hlobole geba fihla.
Mogononelwa o ile a tšea diswantšho tša Motšwasehlabelo a le gare a mo kata ka gare ga sefatanaga. Ka morago ga go mokata o ile a mmea mmileng gomme a tsena ka monga seloko. Motšwasehlabelo o ile a thušwa ke baotledi ba difatanaga mowe a ilego a kgona goya gae gomme a botša makgolo wa gagwe ka kotsi yeo emo wetšego. Ba ile baya maphodiseng go bula molato wago kata.
Ka ge monwana nkgopo o sa lape go gora,mogononelwa o ile a tšwela pele go dira dipšhišamare. Motšwasehlabelo wa mosetsana wa mengwaga ye lesomepedi o ile a katwa ka letšatši la lesomeseswai Nofemere ngwaga wa 2024 a šomiša mokgwa wo ao tlwaetšego.
Dinyakišišo tša maphodisa tšeo di tseneletšego di šupile monna wa mengwaga ye masometharonne goya ka dipoelo tša forensic DNA analysis. Lesolo le legolo la go nyakana le mogononelwa yeo go kwalago gore ke modudi wa Mkhuhlu profenseng ya Mpumalanga le gare lea roropa
Motho mang goba mang yeo ka thušago ka tshedimošo mabapi le dinyakišišo a ka letšetša Sarasanta Letsatsi Mojalefa go nomoro ye ya mogala 076 140 5379 goba crime stop go 08600 10111 goba a kaya maphodiseng a kgauswi.
