Email lerato@thereporternews.co.za | 0820747215
- We can’t continue flirting with criminality and expect to be safe - October 15, 2025
- Limpopo regional leaders legit Mbalula - October 8, 2025
- Lapa la ga-Nkuna la go atelwa ke thari le hloka thušo ka potlako - October 3, 2025
By: Klaas Ntobeng
Bošego le mosegare godimo ga rena lepara le lla matlere,
Mešomo ya lapa magetleng re hlatlaganyeditšwe,
Masea re rwešwa digatlelana ra kobakobetša re sa fetše,
Pelego ka bohloko ra phethagatša ka ge phethagatšo re hloletšwe,
Go phetha la pukumelomokhubedu ka ge le tlokilwe.
Re a tlaišwa ka dikeketane re a keketwa,
Re thopšwa ka dikgoka, ra katwa, ra sotlwa,
Re a bolawa, re se diphoofolo ditho ra kobelwa,
Re a tlontlollwa, ra gobošwa, ra nyefolwa.
A re tlo thušwa ke mang neng kae naa?
Go reng ra fetošwa dithuri ka mafuri malapeng?
Le reng la fepela le go fepa tša rena dithaka šokeng?
Le reng madi a se nago molato le sa re fepiše?
Le rile le tlo re hlokomela phethagatšang,
Le tshepišitše go re direla re direleng.
Mekutwana le agile, gare khutšo le borutho re a phopholetša.
Le bana ra šala re lebelelane ka mahlo mala a kukurutšega teng,
Le dingangathapo, efeela diyamaleng go goketša mpa re a loišetšwa.
Le reng la ba bo molemakhwiting la lemela dikubu le nonyana?
Ruri dibonwa ke basadi ga di fele, ke dipšešamare e le ruri.