- Afrikaners must denounce treasonous elements - March 13, 2026
- SDA celebrates recognition for unqualified audit - March 12, 2026
- Plots keeps thickening in insurance murder case - March 12, 2026
Mafelo a mararo a go tšhela makhura ka toropong ya Burgersfort a hlasetšwe ke dinokwane mesong ya Mošupologo wa di 23 Dibokwane 2026, tiragalong yeo e tlogetšego badudi le beng ba dikgwebo ba tshwenyegile ka polokego ya bona.
Go ya ka dipego tša maphodisa, banna ba tshela bao ba bego ba apere dipipadifahlego gomme ba itlhamile ka dithunya, ba ile ba sepela mafelo a go tšhela makhura ka tatelano. Ba thomile ka go tsena lefelong la go tšhela makhura leo le lego ka Aloe Ridge, morago ba fetela mmileng wa Dirk Winterbach, pele ba ka leba go la boraro leo le lego mmileng wa R555. Go dumelwa le go belaela gore sehlopha seo se be se šoma ka mokgwa wo o rulagantšwego, ka gobane ba tsene ka lebelo gomme ba tloga ka pejana pele ba ka bonwa goba go lemogwa.
Dinokwane tšeo di tšere mašeleng ao palo ya yona e sa hlathwego gabotse, metšoko gammogo le dilo tše dingwe tša ka mabenkeleng, go akaretša dijo. Go akanywa gore tahlegelo ka moka e feta R100 000 ( Dikete tse lekgolo ) Go fihla ga bjale ga go tsebje gore go gobaditšwe batho ba bakae tiragalong ye.
Seboleledi sa maphodisa a Limpopo, Malesela Ledwaba, o boletše gore maphodisa a šoma ka maatla go nyakana le dinokwane tšeo.
“ Re tiišetša setšhaba gore maphodisa a šetše a thomile dinyakišišo ka pela. Re kgoboketša bohlatse gomme re šoma le ditšhupetšo tše dingwe go netefatša gore bao ba dirilego bosenyi bjo ba tla swarwa. Ga go motho yo a šetšego a golegilwe go fihla gabjale, eupša re na le mehlala yeo e ka re thušago,” Kolonela Ledwaba a realo.
O tlaleleditše ka gore maphodisa a tla oketša mekgwa ya tshireletso le tekolo mo toropong go fediša bosenyi bjo bo tšwelago pele.
Beng ba mabenkele a mangwe ba tšhošitšwe ke tiragalo yeo ka ge e ama dikgwebo tsa bona gampe. Bareki ba tšhaba go etela mafelo a bona morago ga tiragalo ye. Se se tloga se ama letseno la bona , kufu ka gore go lebanwe le mathata a ekonomi.
Badudi ba bangwe ba boletše gore go bohlokwa gore dikgwebo di šomiše didirišwa tša tšhireletšo tše bjalo ka dikhamera tša CCTV le balebeledi ba tšhireletšo go fokotša diamond tse bjalo la tse. Le ge go le bjalo, ba dumela gore maikarabelo a magolo a wela godimo ga maphodisa go netefatša gore bosenyi bo a fokotšwa.
Maphodisa a kgopela mang le mang yo a nago le tshedimošo mabapi le ditiragalo tse go ikgokaganya le seteishene sa maphodisa sa kgauswi goba go letsetša nomoro ya Crime Stop ya 08600 10111. Dinyakišišo di sa tšwela pele, mola setšhaba se letetše gore bao ba amegago ba tlišwe pele ga molao. Sedikwa ga se na leo maano bana ba Thulare. Sebatakgomo!
