Email lerato@thereporternews.co.za | 0820747215
- We can’t continue flirting with criminality and expect to be safe - October 15, 2025
- Limpopo regional leaders legit Mbalula - October 8, 2025
- Lapa la ga-Nkuna la go atelwa ke thari le hloka thušo ka potlako - October 3, 2025
Ke itše ka re go tswala ke go feka mano,
Tše senyane go tlala tša nkatla le nna ntlong ka tsena,
Lešoko la ntshopa, ka lešika bagaditšong ka roka melomo,
Kganthe tswalo e nkatlilego e tlo ntswalela matshwenyego.
Peu lehlogedi la ntšha nko mobung ke mantsikinyane,
Merwalo re lletšego go rwala ra re go rola ra itshola go rwala,
Gobane merwalo re rwalago re rwala le disegišwa batho ra itshola,
Ra itsholela go tshelwa ke lebalana re dumilego le re tshela.
Ke belege ngwana ka belega mokopa thaba,
Phahlo le ditseka ke ikgobokeleditšego di šwahlišwa diphao,
Ke phuthetše phepheng ka kobo e ntetenya mmele go rarela.
Ruri ge e le nna ke fageleditše dithaka Madibeng.
Nko go se dupe e nšhitišite go ba sedupe ka dupelela
Nke nkabe ke tsebile gore ke fageleditše dithaka Madibeng
Nkabe ke rotše tseleng ka ikhutša go alamela mae a go bola
Ka mahlo le nna ke bone kgonthe tswalo e a ja!