Email lerato@thereporternews.co.za | 0820747215
- We can’t continue flirting with criminality and expect to be safe - October 15, 2025
- Limpopo regional leaders legit Mbalula - October 8, 2025
- Lapa la ga-Nkuna la go atelwa ke thari le hloka thušo ka potlako - October 3, 2025
Polelo ya Sepedi e re: tšhiwana e sa hwego e leta monono, Lapa la ga Mphahlele motseng wa Ga-Mphahlele, motseng wa Sahlokwe batla agelwa ngwako ke sehlopha sa mokhukhu Projects-Foundation. Modula setulo wa Mokhukhu Projects-Foundation, Meshack Soka o re ka morago ga gore a agele lapa la ga Nkgadima ngwako ngwagola motseng wa Ga-Moloi kgauswi le Jane Furse o hwetša dikgopelo tše di ntšhi go tšwa go batho bago fapafapana. Soka o bolela gore ka ge mathata a sa swane o kgethile go thuša lapa la Mphahlele kage e le gore gona le bana ba tshelelago ebile batswadi ka bobedi bja bona gaba šome.
Meshack Soka o re o tseba bohloko bja go golela ka gare ga mokhukhu kage e le gore o ba sesegišwa sa batho motseng, le go kwerwa ke batho, ke ka fao a thomilego Mokhukhu Projects-Foundation ka maikemišetšo a go thuša batho go lota serithi sa bona. O tšwetše pele ka gore seo ba go se direla lapa la Nkgadima ba tlo tšwela go se dira gape le lapeng la Mphahlele. Masepala wa selagae wa Lepelle-Nkumpi le Kgoši Malekutu Phathudi Mphahlele ba thabišitšwe ke seo Mokhukhu Projects-Foundation o tlogo se dira motseng wa gabo bona mowe Kgoši Malekutu Mphahlele a thušitšego lapa leo go hwetša molala mowe go tlogo agiwa ngwako ntshe.o re le ge gole bjale ba hloka batho bao baka ba thekgago gore mošomo otle o tšhabe diatla.
Serame Khuto e lego moagišane o re seemo seo lapa la Mphahlele se phelago ka gare ga sona sea hlobaetša kage mokhukhu wa bona osa fete le di methara tše tharo, seo se namago se se nyamiša kudu ke gore ba dula ka mowe mokhukhung e le maloko a seswai a lapa godimo ga mowe gona le ngwana waka tlase ga mengwaga e mebedi. “O ka e leletša bjalo ka motho gore lapa leo le tloga le hloka thušo kage batswadi basa šome ka bodedi bja bona, ngwagola ka nako ya dipula le madimo ba ile ba gapeletšega go nyaka mowe baka beago hlogo kage mokhukhu wa bona o be o tšerwe ke diphefo, ke holofela gape le gore tšeo ba bego ba itemogela tšona tša bophelo di tla fihla mafelelong.” Serame a realo.
Meshack Soka o re o kgopela motho mang goba mang o a kganyogago thuša, a ka ikopanya le yena nomorong ye ya mogala 072 637 8160.
