- Dinoko FC boys show their class at Polokwane youth tournament - September 19, 2025
- Future looks bright for young farmer - September 19, 2025
- Setšhaba sa Dihlabaneng se lla ka bohodu - September 19, 2025
Ka: Lerato Charity Mampa
Mangwalo a makgethwa a fele a re; hlompha mmago le tatago gore matšatši a gago a bophelo e tle e be a ma telele lefaseng. Go letetšwe gore monna wa mengwaga ye masometharo -seswai a tšwelele pele ga kgorotshekolo ya Nebo ka letšatši la masomepedi- pedi kgwedi ya Phato ngwaga wa 2025. Go swarwa ga gagwe go latela ka morago ga gore a bolaye mmagwe wa mengwaga ye Masometshela -tee ga sehlogo. Tiragalo ye ya go garola matswalo e diragetše motseng wa Mochadi, Glen Cowie ka letšatši la masomepedi kgwedi ya Phato ngwageng wo.
Maphodisa a ile a bitšwa gomme go fihleng ga bona ba ile ba hwetša setopo sa mokgekolo se le ka gare ga bodiba bja madi ka ngwakong wa gagwe ebile setopo sa gagwe se laetša se hlabilwe se hlabilwe ka mphaka makga a mmalwa.
Dinyakišišo di laetša gore mohu o ile a ikgaša diofising tša magisterata pele a ka bolawa moo a go kgopela lengwalo “Protection Order” kgahlanong le mogononelwa yo e lego morwa wa gagwe. Lengwalo leo le be le laetša gore mogononelwa o swanetše a tšwele motšwasehlabelo ka motse go thoma ka la pele kgwedi ya September 2025. Go ya ka dipego mogononelwa o be a swanetše go sepela ka lebaka la mekgwa ya gagwe ya go se kgahliše.
Go begwa gore mogononelwa o ile a titelela mmagwe ka ngwakong a mo tsetsemetša ka segale makga a mmalwa go fihlela a hlokofala le semetsing letšatši leo.
Maphodisa a ile a hlabelwa mokgoši, gomme ka ponyo Ka ponyo ya leihlo o ile a golegwa, a pharwa ka
a molato wa polao.
Mokomišenara wa maphodisa profenseng ya Limpopo Lieutenant Generala Thembi Hadebe o kgalemile ka bogale tiragalo yeo ebile a plaetša gape gore dintwa tšaka lapeng( GBV) di dirile gore lapa le tswalelwe ka tsela ya go šiiša dinamana tša mmele.
