Email lerato@thereporternews.co.za | 0820747215
- We can’t continue flirting with criminality and expect to be safe - October 15, 2025
- Limpopo regional leaders legit Mbalula - October 8, 2025
- Lapa la ga-Nkuna la go atelwa ke thari le hloka thušo ka potlako - October 3, 2025
Ka letšatši la botshelela la kgwedi ya Diphalane 2022( 06 October 2022) Tonakgolo ya Limpopo, Mohlomphegi Stanley Chupu Mathabatha o dirile diphetogo go komitiphethiši ya gagwe yeo e bonego balekgotlaphethiši ba bangwe ba llelwa kesa magagane, Bo molekgotlaphethiši bao ke Ngaka Dickson Namane Masemola o a bego a swere kgoro ya tlhabollo ya leago, Mme Thandi Moraka wa kgoro ya dipapadi, bokgabo le setšo ga mmogo le Mme Polly Boshielo o a bego a swere kgoro ya dinamelwa le tšhireletšo ya setšhaba. Sephetho seo sa gagwe se tsošitše mukubuku go mekgatlo ya kganetšo ya dipolotiki lego badudi ba Limpopo ka kakaretšo,gomme ba bangwe bare tonakgolo o phetha lela le rego go nyatša kgoši kego tloga.
Aubrey Ngwatle wa mokgatlo wa SADA( Socialist Agenda of Dispossessed Africans) o re sephetho sa tonakgolo sago fetola komitiphethiši ya gagwe kego leboga bao ba bego ba mo eme nokeng nakong ya konferense ya ANC profenseng pejana lenyaga gomme seo gase amane felo le kabo ya ditirelo go badudi ba Limpopo.
Ngwatle o tšwetše pele ka gore seo tonakgolo e se dirilego gase gore ona le kgahlego ka profense ya Limpopo efela o nyaka go kgotsofatša bathekgi ba gagwe.
O mongwe wa baetapele wa mekgatlo ya kganetšo profenseng ya Limpopo ActionSA Kgoši Letsiri Phaahla o re sephetho seo tonakgolo e se tšerego gase maketše kage gobe gole molaleng gore o tlo dira diphetogo.
Maloko a komotiphetiši a mmušo wa Limpopo a maswa kea a latelago:
1. Kgoro ya Thuto: Mme Mavhungu Leruli-Ramakhanya
2. Kgoro ya dinamelwa le tšhireletšo ya tšhaba: Mme Florence Radzilani
3. Kgoro ya mešomo ya setšhaba, ditsela le mananeokgoparara: Mme Nkakareng Rakgoale
4. Kgoro ya tlhabollo ya leago: Mme Nandi Ndalane
5. Kgoro ya Maphelo: Ngaka Phophi Ramathuba
6. Kgoro ya matlotlo a proferense: Morena Seaparo Sekwati
7. Kgoro ya temo le tlhabollo ya dinaga magae: Thabo Mokone
8. Kgoro ya thlabollo ya tikologo le boeti: Morena Rodgers Monama
9. Kgoro ya pušo tirišano le merero ya magoši: Morena Basikop Makamu
10. Kgoro ya dipapadi, bokgabo le setšo: Mme Nakedi Sibanda- Kekana
Seboleledi sa Tonakgolo ya Limpopo, Morena Willy Mosoma o re sephetho seo se tlile ka morago ga gore ngwageng wa ketepedi-masomepedi tee, Tonakgolo Chupu Mathabatha nakong yage a efa polelo kgolo ya profense, o tsebišitše kadi kwano tša kabo ya ditirelo le malekgotlaphethiši ka moka. Ditlhahlofo tša dikwano tšeo di tšwetše pele go dirwa, gomme dithlahlobo tša mafelelo tša dira gore Tonakgolo Mathabatha a dire diphetogo go komitiphethiši kamo go beilwego.
