- Afrikaners must denounce treasonous elements - March 13, 2026
- SDA celebrates recognition for unqualified audit - March 12, 2026
- Plots keeps thickening in insurance murder case - March 12, 2026
Maphodisa a profense ya Limpopo a nyakišiša molato wa polao mowe monna wa mengwaga ye masomehlano-šupa a thuntšhitšego le go bolaya mosadi wa gagwe wa mengwaga ye masomepedi-šupa toropong ya Burgersfort, Twin City Mall. Tiragalo yeo e diragetše ka letšatši la seswai Janaware ngwaga wa 2026.
Maphodisa a ile a ikgaša lefelong leo ka ponyo ya leihlo. Go fihleng ga bona ba hweditše monna le mosadi ba robetše ka gare ga bodiba bja madi. Bobedi bo ile bja kitimešetšwa bookelong gomme ka morago ba neela moya.
Go ya ka dinyakišišo mosadi o be a eme kgauswi le mmila wa Dirk Winterbach ge sefatanaga sa mohuta wa Audi sa mmala o mo blue sa boingwadišo bja Gauteng se ema kgauswi le yena. Go ya ka dipego mootledi o ile a fologa gomme a latelela mosadi yeo a mo thuntšha ka morago le yena a ithuntšha.
Kgabagareng ya ge dinyakišišo di tšwela pele lefelong la tiragalo ya polao, maphodiša a hweditše molongwanaswana/sethunya seo se šomomišitšwego toragalong ya polao le dikgapetlana tša dikolo tšeo di šomišitšwego. Phuruphutšo ya go tšwela pele ka sefatanageng sa mogononelwa, e feleleditše e ba utullotše tše di latelago: sethunya se segolo, dikolo tše masomepedi-tee tšeo di sego tša šoma tša 9mm, le dikolo tše lesomeseswai tša sethunya se segolo tšeo di sego tša šoma.
Ka se sebaka seo se hlotšego kotsi yeo gase tsebjwe.
Bao ba di bonego ka mahlo bare seo sa go direga mahlong a bona se šiiša dinamana tša mmele. Ba tšweletše pele ka gore le ge e le gore gobe gona le mathata magareng ga bona seo ga sefe motho toka ya go bolaya.
Dinyakišišo tša maphodisa di tšwela pele.
