- DA questions ward committee conference spending - May 24, 2026
- Farm murderer gets 19 years - May 24, 2026
- Bagolegwa bao ba bego ba tšhabile ba golegilwe gape - May 24, 2026
Maphodisa a Nebo ka tlase ga selete sa Sekhukhune ba golegile gape sebofšwa se tee seo se tšhabilego kgorotshekelong ya Nebo ka letšatši la di 19 May 2026.
Go kwala gore ka iri ya 15:55, Maphodisa a Masemola a be a sepela le dibofšwa tša go lekana tše seswai go boela morago setešeng sa maphodisa sa Masemola. Go sale bjale kege dibofšwa tša go lekana tše nne di tsena ka monga seloko.
Ka ponyo ya leihlo ke ge maphodisa , baletadikgoro le ba dinyakišišo ke ge ba dira lesolo la go nyakana le dibofšwa tšeo ka go ralala le lefelo leo. Maphodisa a ile a longwa tsebe , gomme ka pejana ke ge ba leba motseng wa Mabintane. Sithole Courage Chingwedere wa mengwaga ye lesome senyane o ile a golegwa gape letšatši lona leo a tšhabilego ka lona kgolegong.
Bao ba sa tsenego ka monga seloko ke:
Mahlekete Honest wa mengwaga ye 33
Sello Madhodha wa mengwaga ye lesomeseswai
Noel Shabangu wa mengwaga ye masomenne
Bagonelelwa ba babedi ba mengwaga ye lesomeseswai le lesomesenyane ba ile ba golegwa mabapi le melato e tshela ya go thuba le go utswa ka malapeng go ralala le motse wa Masemola. Mogonelelwa wa boraro o golegilwe mabapi le go tshela molawana wa bafaladi waka mono nageng.
Motho mang goba mang wo a ka bago le tshedimošo ya go hwetša bagonelelwa o kgopela go ikopanya le Nebo Detective Commander, Lieutenant Colonel Goodhope Makofane go nomoro ye ya mogala 072 111 2102 goba a kaya setešeng sa kgauswi sa Maphodisa. Gape a ka letšetša nomoro ya Crime Stop go 08600 10111 goba a ka šomiša MySAPS.
Dinyakišišo tša Maphodisa di tšwela Pele.
