- Dinoko FC boys show their class at Polokwane youth tournament - September 19, 2025
- Future looks bright for young farmer - September 19, 2025
- Setšhaba sa Dihlabaneng se lla ka bohodu - September 19, 2025
Babudi ba motse wa Schonoord, Kotsiri kgauswi le Jane Furse bare ba tšhošitšwe ke tirago ya go garola matswalo ka letšatši la lesometshela kgwedi ya Lewedi ngwaga wa 2025. Mowe go hweditšwego setopo sa lesea seo go belaelwago gore seka ba le dikgwedi tše tshelelago go iša go tše šupa. Go ya ka dipego setopo seo se wetše ke bana ba sekolo mesong geba be ba eya sekolong Ke ge batla kopana le tiragalo yeo ya go tšhabiša dinamana tša mmele. Badudi ba Kotsiri bare tiragalo yeo e tloga e tšhoša kannete ebile e ješa dihlong kage go ipotšišwa gore motho yowe a dirilego dipšišamare mare tšeo ke mang ebile o ikwa bjang mowe a lego gona. Maphodisa le ba ditirelo tša Forensic ba ile ba bitšwa ka ponyo ya leihlo gotla go hlatsetša seo ba se bonago le go hwetša thušo gore goka dirwa eng.
Go fihla ga bjale badudi gaba tsebe gore ke mang a dirilego bošula bjowe. Go belaelwa gore motho wa mosadi o ntšhitše mpa gomme a lahla setopo sa lesea leo tseleng. Ga go hlake gabotse ge eba nakong yeo a lahla lesea leo le be le buša moya goba bjang.
Wendy Masha e lego o mongwe wa badudi ba Kotsiri o re o tloga a tšhošitšwe ke tirgalo yeo ya go tšhabiša dinamana tša mmele, o re kage e le mosadi o palelwa ke go kwišiša tiragalo yeo. Wendy o tšwetše pele ka gore ke nako ya gore basadi ba ithate ebile ba rate le bana bona.” Sa go nyamiša ke gore gona le basadi ba ba ntši ka montle bao ba nyakago masea efela ka mabaka ao a itšego ba palelwa ke goba le bona. Go ena le gore motho a lahle ngwana go kaone a fane ka yena, Wendy a realo.
Seboleledi sa kgoro ya tlhabollo ya leago, Joshua Kwapa o re e le ba kgoro ba tshwela mare taba ya go lahlwa ga masea.”Re hlohleletša basadi gore ge eba gaba ikemišetša goba le lesea goba gona go godiša ngwana ka morago ga go lemoga gore ba mmeleng, go kaone ba ikopanye le badirela leago gomme bona batla bona gore baka thuša bjang. Gomme ge e le bana bao sekolo bao ba gahlanego le tiragelo yeo o re kgoro ya thuto ena le badirela leago bao baka fago bana bao ba sekolo khanseling ka seo base bonego. A tlaleletša gape ka gore badirela leago ba phela bale komana madula a bapile.
Morwangwato Hlakudi e lego Ngaka ya setšo o re batho bao ba ntšhago dimpa gaba fapane felo le bao ba bolayago batho, melato ya bona ka sedimong e ya swana. Ka gona motho yeo a ntšhago mpa o aparela ke leswiswi la lehu la goba mmolai. Ka gona o hloka mephaso le dipheko tša go tloša leswiswi la lehu le go bolaya motho. Ngaka Hlakudi o tšwetše pele ka gore ge motho a ntšha mpa a tsebe gore o bea le bana bao a tlago go ba ima kotsing ka ge ba tla golela ka gare ga popelo yeo e tšhilafetšego tshilafaditshilafadi!” Motho yoo a ntšhitšego mpa o kotsi setšhabeng ka tsela ye: banna bao ba ka robalago le yena ba ka kgoma tšhila yeo gomme ba thoma go babja goba go gwahlafala go ya lehung.” Ngaka Hlakudi a ruma ka go realo mokgwa e le ge a efa maele le thutophahlošo.
