- Dinoko FC boys show their class at Polokwane youth tournament - September 19, 2025
- Future looks bright for young farmer - September 19, 2025
- Setšhaba sa Dihlabaneng se lla ka bohodu - September 19, 2025
KA: Karabo Makao
Sehlopha sa kgwele ya maoto sa Juventus se thopile sefoka
diphadišanong tša kgwele ya maoto tša Ednor Training and consulting. Dihlopha tša go lekana tše lesometshela (16) di tšere karolo diphadišanong tšewe tša kgwele ya maoto yeo e fedileng mafelelong a beke a letšatši la lesomešupa 17 kgweding ya Phato ngwageng wa 2025.
Diphadišano tšeo di be di swaretšwe mabaleng a dipapadi Ga- Motodi.
Morago ga go fenya sehlopha sa Mountain Square go tšwa Driekop ka dino tše nne go tše pedi nakong ya dipenale morago ga go palelwa ka 1-1 metsotsong e masome a senyane(90 minutes).
Mountain Square e fentše Tahiti go tšwa Bothashoek ka dino tše 3-1 dipapading tša seka makgaolakgang. Dipapadi tše di latelago di tla thoma beke yona ye yadi 22, gomme ge e le beng gae Happy Kings ba ntšhitšwe ke sehlopha sa Tahiti ka 1-0.
Mohlahli wa sehlopha sa Juventus o boletše gore”Re thabile kudu ka kgotlelelo le maiteko a bona. Go fenya ka dipenale go bontšhitše boikokobetšo le boitapišo bja sehlopha.”
Mohlahli wa sehlopha sa Mountain Square Paulos Motswiane o re “le ge re paletšwe, boikokobetšo bja bana ba rena le boitapišo bja bona bo nthušitše go bona dipapadi ka leihlo le lengwe. Re tla boa ka maiteko a magolo nakong ye e tlago.”
Bathekgi ba dipapadi tše e lego Ednor Training And Consulting Training bare ba thabišwa ke ka fao dipapadi di sepetšego ka gona, ka gore leano la mathomo ebe ele go ntšha bana mebileng. Eddie Matshebele o rile “Re kgopela borakgwebo go thuša ka kago le thekgo ya dipapadi tša magaeng, ka fao bana ba ka gola kabokgoni bjo bogolo”
Sehlopha sa Juventus se thopile R5500, mogopo, dimetale, kgwele mmogo le diaparo tsa baraloki goba yona kere mola beng gae ba Happy Kings ba tšwile ka diaparo tša go raloka kgwele ya maoto. Sehlopha sa Mountain Square se phomotšwe megokgo ka tšhelete ya go lekana R2500 le dimetale.
Phadišano ye e tloga e bontšhitše babogedi mabokgoni ao a lego gona mo baneng ba bona le gore ba ele hloko ka mehla.
