- South Africa Counts the Cost of Food Waste - September 28, 2025
- CGCSA WOMEN COLLOQUY TO DISCUSS TRANSFORMATIVE ROLE OF WOMEN IN THE FMCG SECTOR - August 26, 2025
- Limpopo Society of Advocates e abetše barutwa ba sekolo sa tlasana saMatleu dieta tša sekolo - August 1, 2025
Ka: Karabo Makao
Meyara wa masepala wa selegae wa Fetakgomo-Tubatse, Khansela Eddie Maila o ile a tsebiša borakontraka ba babedi motseng wa Shushumela, Praktiseer. Borakontraka bao bago tsebišwa ba lebeletšwe gore batla dira tsela ya dikhilomethara tše seswai go Ward 13 le Ward 18.
Meyara Maila o lemošitše setšhaba gore se ele hloko batho bao ba sa nyakego ditirelo di eya bathong ebile batho bao ba nyakago go šitiša projeke gore e se tšwele pele. O tšwetše pele ka gore projeke ya go swana le ye, e tlo fetola maphelo a badudi ba Shushumela ebile etla thuša gape go kgolo ya ekonomi le tlhabollo ya dikgwebo tša selegae.” Ke kgopela gore re šome mmogo, re seke ra dumelela batho bao ba nyakago go senya ditirelo tšeo di tlago go re tšwela mohola, go aga ditsela go ka re bulela menyetla ye mentšhi kudu ya dikgwebo le mešomo,” Meyara a realo.
Meyara o gateletše gape boikarabelo bja borakonteraka go fa setšhaba menyetla ya mošomo le dikgwebo ka tsela tša semolao, a gatelela gape gore basadi le baswa ba swanetše go fiwa sebaka sa go tšea karolo diprojekeng.
Badudi ba Shushumela ba ile ba laetša lethabo. Ba ile ba leboga meyaraka gore a tšwele pele kago aba ditirelo. Badudi ba tšwetše pele ka gore ba duma ge projeke ya mohuta o eka akaretša mafelo a mangwe mo go se nago le ditsela tše kaone.
Masepala wa Fetakgomo-Tubatse o tšwela pele go fetola maphelo a badudi ka ditirelo tše botse tšeo di kaonagatšaho maphelo.
