Email lerato@thereporternews.co.za | 0820747215
- We can’t continue flirting with criminality and expect to be safe - October 15, 2025
- Limpopo regional leaders legit Mbalula - October 8, 2025
- Lapa la ga-Nkuna la go atelwa ke thari le hloka thušo ka potlako - October 3, 2025
Letšatšing la lesomepedi Mopitlo ngwaga wa 2025, meyara wa Masepala wa selegae wa Fetakgomo Tubatse, Cllr Eddie Maila o tšwetše pele ka ye nngwe ya diketelo tša gagwe go ralala le diphorojeke tšeo di thomilwego ngwagola. Meyara Maila o ile a etela phorojeke ya tsela motseng wa Maepa, Ward 1. Ketelo ya gagwe ke ya go netefatša gore ditirelo tša masepala dia phethagatšwa ka mokgwa o ba kwanego ka gona le rakontraka.
Phorojeke yeo ya tsela e begwa e le mo godimo ka diperesente tše masometshela seswai(68) ya tšwelopele, gomme go letetšwe gore e tla be e feditšwe ka kgwedi ya Phato 2025. Tšwelopele ye e kgahlišago e fa meyara le Komiti ya tshepedišo ya mmušo kholofelo ya gore phorojeke e tla fela ka nako goba le pele ga nako ye e beilwego.
Meyara Maila o kgopetše rakontraka gammogo le lefapa la taolo ya phorojeke go latela lenaneo le le hlahlofilwego, gore phorojeke e se ke ya ema goba ya diega.
Cllr Maila o boletše gore “Re leboga badudi ba mo motseng wa Maepa Ward 1, ka tlase ga mokhanselara Mmopane. Go tloga mola re tlišitšego rakonteraka, porojeke e sepela gabotse, ga gona mathata ao ba kopanego le ona. E kaba mathata a go swana le a gore badudi ba ditele phorojeke go tšwela pele. Re rata go le leboga seo, ebile re duma gore mafelong a mangwe moo re išago ditirelo, nke ba ka swana le badudi ba Maepa ba thekga di phorojeke gore di kgone go fela gabotse ka tsela ya maleba.” A realo.
O tšwetše pele ka gore “Porojeke ye e tla go diperesente tše masometshela seswai pele eka fihla mafelelong gomme re holofela go fihlelela dipesente tšeo di šetšego ka kgwedi ya Phato ona ngwaga o. Go bile bothata go e fihlelela ka kgwedi tše pedi gomme e tšere tše nne.”
O mongwe wa badudi Nombulelo Ngele gotšwa motseng wa Maepa o re o thabile kudu kage bjalo maphelo a bona a tla kaonafala kudu ka gore nakong ya dipula gobe gosa sepelege ebile le dinamelwa tša bohle dibe di palelwa ke go tsena ka motseng.
Masepala wa Selegae wa Fetakgomo-Tubatse o gatelela maikemišetšo le go netefatša gore diphorojeke di phethwa ka nako le ka botswerere bjo bogolo.
