- Illegal gambling crackdown gains momentum - April 20, 2026
- Former municipal legal manager in court over tender - April 20, 2026
- Four nabbed in Molemole crackdown - April 16, 2026
Ka Cynthia Nkgudi
Government Communication and Information System ( GCIS) e ile ya etela Rahlagane Table Grapes, ketelo yeo e kgolo e diragetše ka letšatši la di 18 Mopitlo ngwaga wa 2026 bjalo ka ye nngwe ya mananeo a bona a gofa setšhaba tshedimošo le go etela diprotšeke tšeo di thušwago ke mmušo.
Rahlagane Table Grapes ke ye nngwe ya diprotšeke tšeo di thomilwego motseng wa Moganyaka ka fase ga masepala wa Ephraim Mogale. Tšhemo yeo ya diterebe e thomilwe ka morago ga gore sehlopha sa basadi ba lemoge bohloki le tlhokego ya mešomo yeo e ikepetšego ka medu motseng wa gabo bona, gomme ba holofela gore seo ba se dirago setla tšwela badudi mohola ka go hlola mešomo.
“Re thomile projeke ya rena ka ngwaga wa 2007 re le maloko a go lekana a 10 e le ge re lebeletše ka fao lefelo la bo rena le itemogelago bohloki goba yona tlhokego ya mešomo gomme ra ikopanya le Mošate wa rena le go kgopela lefelo leo, morago Kgoro ya tša Temo ya re fa tumelelo ya go ka bjala diterebe morago ga gore ba lekole mobu, ka ge re be re sena tsebo e tseneletšego ka tša temo, re ile ra hwetša tlhahlo gomme ra thoma go bjala mehuta e mene ya merara (Crimson, Starlight, Red globe le Flame). Re thomile lefelong la diheketara tše lesome fao re bego re thwala bašomi ba masomenne pedi (42) e fela ga bjale re šomela go diheketara tše masomepedi mowe re kgonago go thwala bašomi ba (69) ba lebakanyana. Re thwala kudu basadi e le ge re lebeletše go ba maatlafatša le gore ke bona ba swerego malapa” Maria Seoka yowe e lego o mongwe wa bašomi tšhemong ya Rahlagane Table Grapes go tloga ka ngwaga wa 2007 a tlaleletša kago realo.
Protšeke yeo ga e tšwele mohola fela badudi ka go hlola mešomo, e tloga e thuša le baithuti bao ba hlokago tlhahlo le tsebo gore ba kgone go fetša dithuto tša bona dikolong tša go phagama go akaretša le bao ba feditšego dithuto gomme ba nyaka mošomo le boitemogelo. Maria o tšwetše pele ka gore ka lebaka la sebjalo seo sa bona sa goba le matepe, ngwaga ka ngwaga ba thwala batho bao ba šetšego ba tseba mošomo ka ge ba ka thwale feela bao ba sa hlokago tlhahlo.
O tšwetše pele ka go hlalosa ka fao ba itemogelago ditlhohlo tše mmalwa efeela ba sa di dumelele gore di ba nyefiše moko ka seo ba se dirago “Ngwageng wa 2016 re ile ra thoma sekgotsi le molemi Schoonbee Landgoed ka ge re be re itemogela bothata ka lefelo la rena la go bea merara (packhouse) gomme ra boledišana le yena gore ge re fetša go buna retla di tliša go yena tša kopana le tša gagwe gore di rekišwe mmogo. O re thuša gape le ka go nyaka bareki, go re fa tlhahlo le go re fahloša. Tlhohlo e nngwe ke bohodu, mathata a mašeleng, didirišwa gape le pula e ntšhi yeo e emišago meetse a mantšhi le dikhunkhwane tšeo di jago mehlare”. A rialo Maria a feleletša ka go thabela gore ditšweletšwa tša bona di fihla mafelong a bjalo ka Tshwane Hyper ga e šita le naga tša go swana le Europe.
Kola Maila wa Fetakgomo Tubatse Special Economic Zone (FTSEZ) yena o laeditše ka fao naga e swanetšego go šomišetšwa temo gore batho ba hwetše dijo le gore ba lefapha la gagwe ba swere thipa ka bogaleng go lwantšhana le tlhokego ya mešomo“Go na le tšhemo ka Tubatse yeo e ka bago dihektara tše 1100 gomme ga bjale go lokišitšwe tekano ya diheketara tše 75 ka fao seo ke sešupo sa gore menyetla ya mešomo e gona. Ga bjale re ikgokantše le dikhamphani tše 12 tšeo di sa boetšego morago ka morago ga go itemogela ditlhohlo tša meetse le mohlagase gore mošomo o tšhabe diatla efela tšeo kamoka di ka tlase ga taolo” Gwa realo Maila.
