Madikana a mabedi a hlokofetše ka komeng.

Molekgotlaphethiši wa pušo tirišano, mengwako le merero ya magoši Basikop Makamu profenseng ya Limpopo o laeditše go nyama kudu ka morago ga gore madikana a mabedi a hlokofalele ka komeng. Ge e sale sehla sa Koma se thoma sa 2026.

Tiragalo yeo ya go ješa di sa wele e diragetše seleteng sa Sekhukhune le Mopani. Go begwa gore modikana wa mengwaga ye lesomepedi o be a wela komeng ya Nondeni. Go begwa gore ka letšatši la di 25 June modikana o ile a thoma go hlatša gomme a kitimešetšwa bookelong bja Xitlakati mowe a go neela moya ntshe.

Tiragalo ya bobedi. Modikana o ile amogelwa ka letšatši la di 18 June ka tlase ga Koma ya Bakgaga ba Kopa, motseng wa Tafelkop. Goya ka bao da di dutšego kgauswi , modikana o be a na le kankere pele ebile amogelwa ka komeng. Ka go realo leoto le lengwe la gagwe le ile la ripiwa gomme o be a hwetša kalafi. Gomme go ile ka letšatši la di 26 June modikana o ile a thoma go dikologa a le ka komeng. Yena o ile a kitimešetšwa bookelong bja Groblersdal gore a hwetše thušo ya ka pela ya maphelo. Ka lebaka la seemo sa gagwe sa go hlobaetša o ile a kitimišetšwa bookelong bja Philadelphia mowe ka go hloka mahlatse a ilego a neela moya ntshe.

“ Re itokišitše ka nako ebile re šoma le dikgoro tša go swana le kgoro ya maphelo, kgoro ya Thuto le Sephodisa go netefatša gore dikoma ka moka di sepetšwa ka mokgwa wo o bolokegilego gape le ka molao, go kwiša bohloko ka kudu gore bana ba lahlegelwe ke maphelo mola dilo ka moka dilokišitšwe ebile di sepela ka thelelo, Makamu a realo.

Makamu o re ditiragelo tšeo ka moka ditla nyakišišwa go efoga mathata ao a ka hlagago ka moso.