- Mass movements are dangerous without political clarity - July 18, 2026
- A DECENT HOME FOR FAMILY OF CONJOINED TWINS - July 17, 2026
- LESOLO LA MARCH AND MARCH LE TŠWETŠE PELE LE KA TOROPONG YA BURGERSFORT - July 17, 2026
By Karabo Makao
Badudi ba go tšwa metseng ya go fapafapana ka tlase ga Masepala wa Selegae wa Fetakgomo Tubatse ba ile ba swara lesolo la March and March go la Burgersfort ka letšatši la la di 09 Mosegamanye 2026, ba kgopela mmušo wa Afrika Borwa go tšea magato kgahlanong le bafaladi bao ba lego ka nageng ka ntle ga mangwalo a molao.
Badudi ba go tšwa Praktiseer, Bothashoek, Ga-Motodi, Appiesdooring, Ga-Mashamothane, Dresden, Alverton le metseng ye mengwe ba kopane gomme ba iša molaetša wa bona masepaleng wa Fetakgomo -Tubatse. Ba re ba nyaka mmušo o tšeye magato a ka pejana go rarolla ditaba tša bofaladi bjo bo sego molaong e lego tlhobaboroko.
Moetapele wa setšhaba sa Burgersfort, Morena Magabe o boletše gore “ka lesolo le re ikemišeditše go kgopela mmušo go netefatša gore bafaladi bao ba lego ka nageng ka ntle ga molao ba bušetšwa dinageng tša gabo bona, ka ge seo se tla thuša go šireletša menyetla ya mešomo le go matlafatša taolo ya molao” a realo.
Baipelaetši ba boletše gore bafaladi ba bangwe bao ba tšwago dinageng tša go swana le Zimbabwe, Malawi, Ghana, Democratic Republic of Congo, Nigeria, India, Pakistan, Ethiopia le Somalia ba tšea mešomo yeo e bego e swanetše go hola badudi ba ka mo nageng. Ebile ba ba amantšha le melato ye mangwe ya go rekiša diokobatši le bosenyi bja gose latišege ka ge ba sena le mangwalo.
Lesolo le le ile la hlapetšwa ke maloko a ditirelo tša sephodisa (Tubatse SAPS), Kgoro ya Merero ya Selegae (Home Affairs) gotee le baofisiri ba tša bofaladi ( Custom Officials) go netefatša gore boipelaetšo bo sepela ka khutšo.
Leeto le thomile lefelong la lebenkeleng tsoko ka Praktiseer gomme la felela dikantorong tša Masepala wa Fetakgomo-Tubatse Burgersfort.
