- Mass movements are dangerous without political clarity - July 18, 2026
- A DECENT HOME FOR FAMILY OF CONJOINED TWINS - July 17, 2026
- LESOLO LA MARCH AND MARCH LE TŠWETŠE PELE LE KA TOROPONG YA BURGERSFORT - July 17, 2026
By Lerato Charity Mampa
Badudi ba motse wa ward 38 masepaleng wa Fetakgomo-Tubatse kudu ba ga-Seroka le dinaga mabapi ba laetša gose kgotsofale ka tsela yeo kgoro ya ditirelo tša setšhaba e se dirago ka go leka go lokiša tsela ka mokgwa wo o sa kgotsofatšego.
Ba laetša gore tsela yeo gase ya go tšama a thiba thibiwa e fela ke ya go tlošwa ka moka gomme ya thomiwa ka la boswa. Badudi ke kgale ba lla ka seemo sa tsela yeo ya D4209 go tloga mengwaga ye e ka bago ye lesome ya go feta kudu ka gore nakong ya dipula ga e sepelege, gomme seo ba bego ba se holofela ebile base lebeletše ke gore tsela yeo e tla thomiwa fase gore e be ye nngwe ya ditsela tša sekontiri seo se tiilego ebile se sepelegago.
Ephraim Segapu e lego moetapele wa badudi o re mmušo o tšwela pele goba nyatša ka ge mokgwa wo ba o dirago wa go leka go lokiša tsela yeo e le goba dira bo kgokgwana robala dingwe di robetše. O tšwetše pele ka gore seo kgoro ya ditirelo tša setšhaba e se dirago kua tseleng yeo se tloga e le tshenyo ya mašeleng ka lebaka la gore ba tšhela sekontiri godimo ga mobu gomme seo se itaetša gabotse gore e se kgale se tlabe se gogotše ke meetse a pula.” Seo se nyakegago ebile seka thušago go lokiša tsela yeo ke gore go thwalwe ramahlale ( Engineer) yo anago le tsebo yeo e tseneletšego ya tsela gore tsela yeo e lokišwe gabotse e sego go thwala bašomedi ba EPWP( Expanded Public Works Programme). “Ngwaga ka ngwaga re tshepišwa gore tsela yeo etla mpsafatšwa gomme ka morago re bona ba thiba mowe ba bonago okare ke mahlong a batho”, Ephraim a ruma kago realo.
Yo mongwe wa badudi e lego Welcome Phaahlamohlaka o re seo kgoro ya ditirelo tša setšhaba e se dirago e laetša e le ye nngwe ya mokgwa wa go ja mašeleng a mmušo, o tšwetše pele ka gore tsela yeo ya D4209 ke ye nngwe ya ditsela tšeo di se nago le sephethephethe sa dikoloi eupša e senyega ka pela.
The Reporter Newspaper e lekile go ikgokaganya le seboleledi sa kgoro ya ditirelo tša setšhaba e lego Emmanuel Mongwe mabapi le taba ya tsela ye efela nakong yeo re gatiša o be a se a fetola.
