- The Reporters service provider MeD8 Media and nine SA community publications jet to USA for digital innovation programme - January 10, 2023
- TONAKGOLO YA LIMPOPO STANLEY CHUPUMATHABATHA O DIRILE DIPHETOGO GO KOMITIPHETHIŠI YA GAGWE - October 11, 2022
- SEHLOPHA SA KGWELE YA MAOTO SA DENNILTON UNITED SE TŠWELA PELE GO NTŠHA MERAGELO YA BONA. - October 11, 2022
Llonia Makua wa mengwaga e masomepedi (20) o a tsebjwago gape ka leina la Queen Minaj gotšwa motseng wa Ga- Mashamothane kantlenyana ga toropo ya Burgersfort o phela a emišitše dikgokaganyo tša leago ka leoto le tee, ka morago ga gore a beye diswantšho tša gagwe tšago fapafapana tša mapona-pona . Gotše dingwe tša diswantšho tša gagwe o tšweletše a swere dikgogo gape lego di tonamela mowe batho ba bangwe ba ntšhitšego maikutlo a bona lego laetša gose rate lego se kgotsofatše ke seo a se dirago, Mola ba bangwe bare o iša serithi sa basadi fase lego se tlontlolla.

Godimo ga dipolelo tšeo ka moka a bolelwago ka tšona, Queen Minaj o re gadi mo šikinye lega tee kage yena a tseba seo a se dirago, O tšwetše pele ka gore yena go sepela ka mapona go mo direla tšhelete ebile ga bone a tlo tlogela go dira seo efela o nyaka gore ka le lengwe la matšatši a be le ngwana lege a sa nyake monna. Queen Minaj o re banna ba bantši ba lahlela la bošuana efela yena gaba ele hloko kage a tseba gore gaba morate ba nyaka go mošomiša fela. Batho bao ba rego baka seje dikgogo goba morogo o we kebe ke bego keo tonametše ba hlabiša legano phefo. O re batho bana le go ahlola seo basa se tsebego ebile basa nyakego go setseba. Llonia o re thekgo yeo batswadi ba gagwe bamo fago yona ke e kgolo ebile ke seo se dirago gore a seke a iša felo ka dipolelo tša batho.
O mongwe wa bagwera ba gagwe o re Queen Minaj ke lekgarebe lago rata batho ebile o phela a thuša bao ba lego kgauswi le yena kage a dumela go seema sa Sepedi seo se rego gofa kego fega.
Mogwera wa gagwe o gateletše gore batho bao bamo hlapaolago ebile ba mmitšago ka maina a gose thabiše ke batho bao ba jago nta gomme ba šiba ka legai.
Queen Minaj o re dipolelo tša gore o ruta bana tša phaku gase nnete kage motho o mongwe le o mongwe a na le kgetho ka bophelo bja gagwe goba bokamoso bja gagwe, A ruma kago realo.