- Dinoko FC boys show their class at Polokwane youth tournament - September 19, 2025
- Future looks bright for young farmer - September 19, 2025
- Setšhaba sa Dihlabaneng se lla ka bohodu - September 19, 2025
Ka: Karabo Makao
Koma ke ye nngwe ya setšo sa Bapedi, ka go realo bo ntšhi bja dikoma profenseng ya Limpopo di hlagile mafelelong a beke e fetilego. Go ya ka mmušo wa Limpopo go fihla ga bjale dilo di sepela gabotse ka dikomeng.
Molekgotlaphethiši wa pušommogo le magoši profenseng ya Limpopo, Basikop Makamu o boletše gore sehla sa dikoma se thomile go tloga ka letšatši la masomepedi tee, kgwedi ya Mosegamanye ngwaga wa 2025 go fihla ka letšatši la masomepedi tee kgwedi ya 2025 ka fase ga molelwana o rego “A ba ye ba phela, ba bowe ba phela.”
Makamu o boletše se ge a be a bolela le boraditaba bekeng yeo e fetilego, nakong ya seboka sa boitokišetšo bja sehla sa dikoma tša 2025.
Komiti ya Provincial initiative coordination(PICC), Hosi Chauke le Kgoši Rammupudu ba boletše gore go amogetšwe dikgopelo tšeo dika lekanago 569 tša go hlagiša koma tša marega le lehlabula. Godimo ga tšeo, PICC e re e dumeletše tše 530, tšeo di akaretšago 322 tša bašemane le 208 tša basetsana.
“Merero ya rena ya sehla sa koma ya 2025 se sepela gabotse. Re lebeletše pele ka boitokišetšo bjo bogolo, re sa lebelele morago ka boikgantšho bja mošomo wo re o dirilego nakong ya sehla sa 2024,” Molekgotlaphethiši Makamu a realo.
PICC le mekgatlo ye mengwe bjalo ka maphodisa a South African Police Service (SAPS)lefapha la thuto le lefapha la maphelo gammogo le botšhotšhisi bjabo setšhaba( NPA), ba itlama ka gore ba tla dula ba hlompha le go hlahloba dikoma ka moka tša semolao le go netefatša gore ba latela molao.
“Bjalo ka SAPS, re thekga Molao wa koma gomme bao ba sa o latelego goba ba šoma ka tsela ya go se be molaong ba tla swarwa,” Brigadier Isaac Mhlongo wa SAPS a realo ka bogale.
